ØYHOPPING MED SYKKEL
Dei mange fredlege og idylliske øyane i Ytre Sognefjord & Dalsfjord er ideelle for sykling, med lett kupert terreng og svært lite biltrafikk. Hurtigbåten, ferjer og lokale skyssbåtar knyt saman øygruppene, fra Mjømna i Gulen til Nåra og Krakhella i Solund, og Værlandet og Bulandet i Askvoll. Kombiner gjerne sykkelturen med flotte fotturar som t.d. Nordsjøløypa i Solund, Lihesten i Hyllestad eller Alden i Askvoll. Stiftinga Jensbua hjelper deg med detaljerte ruteforslag!

Vil du på sykkeltur så kan du ta med sykkelen på øyhopping, og såleis oppleve øyrika både frå båt og sykkel ! Reis deler av øyhoppturen ein dag, hopp av mellom to strekningar og ta ei overnatting eller to og bruk tida til å utforske øyane frå sykkelsetet, og reis så vidare på øyhopping ein annan turdag! Vil du ikkje ha med eigen sykkel kan du leige sykkel i Hardbakke, Værlandet eller Bulandet. Døme på turopplegg med sykkel kan vere: Dag 1: Reis med øyhopping til Hardbakke. Ha med eigen sykkel eller leig sykkel i Hardbakke. Ta postbåten til Ytrøy og gå av her. Bruk dagen på å utforske Ytre Solund med sykkel, og ta så ferja frå Nåra til Daløy, og sykle deretter til Hardbakke der du overnatter. Dag 2: Fortsett øyhoppturen med postbåten frå Hardbakke mellom øyane i midtre Solund og til Gåsvær og Bulandet. Utforsk Bulandet og sykle så over Nordsjøporten med sine flotte bruer til Værlandet, der øyhoppturen fortset med ferje til Askvoll, og ekspressbåt tilbake til utgangspunktet.

Eller du kan gjere det omvendt, starte turen i Askvoll, «hoppe av» i Værlandet eller Bulandet og overnatte her, og så reise videre med postbåten til Solund neste dag. Her finst mange ulike kombinasjonsmulegheiter, og du kan også kombinere øyhoppturen med ein fyrsafari til Utvær og Tungodden.

Opplev Gulatingsstaden Eivindvik på sykkel! Ta båten frå Bergen til Sollibotn. Sykle frå Sollibotn til Eivindvik, og til Gulatingsstaden på Flolid rett utanfor Eivindvik. Overnatt på Solodden Hyttegrend, og ta lokalbåtruta vidare frå Eivindvik til Ytre Solund neste dag! Sykkelutleige på turistinformasjonen på kaia.

DEN TRONDHJEMSKE POSTVEG
Mange erfarne syklistar har skildra den godt bevarte delen av Den trondhjemske postvei mellom Hyllestad og Fjaler, som ein av dei største sykkel-opplevingane her til lands. Opprinneleg var det bygd 19 steinbruer på postvegen mellom Dale og Leirvik, og fortsatt står mange av dei som stolte og flotte eksempel på tidleg tørrmurarhandverk. Kun nokon få stadar på den 40 km lange strekninga mellom Dale i Fjaler og Leirvik i Hyllestad er underlaget så ujevnt at det er best å trille sykkelen. Iblant må du inn på den asfalterte RV 57, men det meste av vegen er bilfri og idyllisk.

LENGST VEST
Ferje frå Leirvåg (RV 57) til Skipavik, vidare til Mjømna. Rutebåt til Nåra. Stopp for overnatting. Ferje til Daløy og videre til Krakhella. Ferje til Rysjedalsvika og vidare til Grytøyra der det går ferje til Værlandet. Stopp for overnatting i Bulandet og ta feja til Askvoll, vidare med ekspressbåt til Florø, eller fortset RV 609 til Førde.

RUTE 57
Ferje frå Leirvåg (RV 57) til Sløvåg, videre til Rutledal og ferje til Rysjedalsvika. Videre langs "Den Trondhjemske Postvei" til Dale. Ferje til Eikenes. Vidare med ekspressbåt frå Askvoll til Florø, eller fortset RV 609 til Førde.

SOGNEFJORDEN
Frå Matre (E39) over Stordalen til Bjordal. Vidare inn sørsida av Sognefjorden (2 mørke tunnellar mellom Bjordal og Ortnevik, omlag 1800 m. men lite trafikk). Båtrute frå Ortnevik til Vik.

SYKKELUTLEIGE
Askvoll: Værlandet Handel, tel. 57 73 01 20
Askvoll: Værlandet Båt, tel. 57 73 11 28 / 95 77 80 71
Askvoll: Bulandet, Nikøy Handel, tel. 57 73 21 44.
Fjaler: Korssund Handel, tel. 57 73 75 35
Hyllestad: Leirvik Kro og Motell, tel. 57 78 89 20
Solund: Turistinformasjonen, Hardbakke tlf. 57 78 62 00
Solund: Lambrechts Eftf A/S, Nåra, tlf. 57 78 66 15
Gulen: Eivindvik Fjordhotell, tel. 57 78 43 10