FISKE I ELV OG VASSDRAG
I heile området finst det vatn og vassdrag der du kan prøve fiskelykka
etter småaure. I lakseelvane får du ofte større fisk. Vi rår
til at du tar kontakt med vertskapet ditt, grunneigar, eller med turistinformasjonane
før du fiskar. I fleire fiskevatn og vassdrag er det restriksjonar eller
fiskekortordning. I tillegg må ein løyse offentleg fiskaravgift.
Betalingsblankett får du på postkontora.
GUDDALSVASSDRAGET
I tillegg til ein laksestamme med stor kraftig fisk
er her også sjøaure, innlandsaure og røye. Elva som
er eit låglandsvassdrag har ein lakseførande strekning på 8,5
km som heile tida skifter mellom stryk, elv og vatn, og går gjennom
særs vakkert landskap. I fleire vatn oppom lakseførande
strekning er det siste åra arbeidd med utfisking, og no ser ein
resultatet i form av finare og og større fisk, og ein fin stamme
av innlandsaure.
