SJØFISKE
Ytre
Sognefjord og Dalsfjord, med sine tusenvis av øyar og lange
fjordarmar er eit paradis for alle fiskeinteresserte. Her har du innan
kort rekkevidde både lune fjordar, øyar, holmar, skjer
og ope hav. Både folk og fisk trivast godt her, med den friske
lufta og den reine sjøen. Vertskapet ditt tipsar deg gjerne
om lokale fiskeplassar, og alle hyttene har eigen båt med motor
tilgjengeleg. Fisket er best på våren og hausten, men det
er godt med fisk stort sett heile året.
Fiske har i generasjonar vore den viktigaste næringsvegen langs store
delar av Ytre Sognefjord og Dalsfjord, og du kan dra opp dei fleste fisketypar:
Lyr, torsk, makrell, sei, lange, brosme, kveite, steinbit, ål, m.fl.
Her er også rikt med krabber. Storfisken dreg du utover mot havet, men
er det mykje vind kan du likevel fiske trygt mellom dei utallige øyane
eller inne i fjorden. Uansett er du garantert storslåtte naturopplevingar
og nærkontakt med elementa. Det gjer godt for kropp og sinn!
